ახალი ამბებისამართალი

ნარკოტიკების ინტერნეტით რეალიზება – დაკავებულია დედა, მამა და ორი შვილი

პოლიციამ ინტერნეტით ნარკოტიკების რეალიზების კიდევ ერთი სქემა გამოავლინა. შს სამინისტროს ინფორმაციით, დაკავებულია 7 პირი, მათგან ოთხი ერთი ოჯახის წევრია: დედა, მამა და ორი შვილი.

შვიდივე ბრალდებულს პატიმრობა შეეფარდა. მათ 8-დან 20 წლამდე ანდა უვადოდ თავისუფლების აღკვეთა ემუქრებათ.

დაკავებულების საცხოვრებელი სახლების ჩხრეკისას ამოღებულია სხვადასხვა სახის ნარკოტიკული ნივთიერებები, რომელიც 2000-ზე მეტ შეკვრად იყო დაფასოებული, ასევე ამოღებულია დიდი რაოდენობით თანხა.

ბრალდებულები ნარკოტიკულ საშუალებებს თბილისის სხვადასხვა უბნებში არსებულ სამალავებში ინახავდნენ, შემდეგ ასურათებდნენ და მყიდველებს ფოტოებს ინტერნეტით უგზავნიდნენ, თანხას კი ანგარიშზე იღებდნენ.

“სამართალდამცველებმა, ბრალდებულების პირადი, საცხოვრებელი სახლის და ავტომანქანის ჩხრეკისას, სარეალიზაციოდ გამზადებული სხვადასხვა სახის ნარკოტიკული ნივთიერება ნივთმტკიცებად ამოიღეს. ამოღებულია: 2 125 შეკვრად დაფასოებული სხვადასხვა სახის ნარკოტიკული ნივთიერება და აბები: „მდმა“, „მეტამფეტამინი“, „ამფეტამინი“ და კოკაინი. გარდა ამისა, ჩხრეკის შედეგად ამოღებულია ავტომანქანები, დიდი ოდენობით ფულადი თანხა, მობილური ტელეფონები და კომპიუტერული ტექნიკა, რომლითაც ისინი ახდენდნენ ნარკოტიკული საშუალებების რეალიზაციას. პოლიციამ, ბრალდებულების მითითებით, თბილისში სხვადასხვა ადგილიდან, სარეალიზაციოდ დაფასოებული ნარკოტიკული საშუალება ამოიღო,”-განაცხადა შს მინისტრის მოადგილემ ვლადიმერ ბორცვაძემ.

წყარო

მეტის ნახვა

მსგავსი სიახლეები